Federata e Basketbollit e Kosovës (FBK) ju njofton se, të mërkurën (nesër) fillon shitja e biletave për ndeshjen ndaj Azerbajxhanit.

Biletat do të shiten te New Born nga ora 12:00 dhe kushtojnë 4 Euro.

Ndeshja Kosovë-Azerbajxhan zhvillohet më 20 shkurt nga ora 19:30 në Prishtinë në kuadër të parakualifikimeve për FIBA Kupën e Botës 2027.

Dardanët kërkojnë përkrahjen nga tifozët për të fituar dy ndeshjet dhe për të vazhduar rrugën e kualifikimit.

Kosova do të ketë dy ndeshjet vendimtare në parakualifikimet për FIBA Kupën e Botës 2027.

Dardanët në Prishtinë më 20 shkurt do të përballen me Azerbajxhanin, derisa më 23 shkurt me Zvicrën në rrugën drejt kualifikimit në fazën e ardhshme.

Basketbollistët e Kosovës më shumë se kurrë kanë nevojë për përkrahjen e tifozëve, që gjithmonë kanë qenë lojtari numër 6.

Ju presim në Pallatin e Rinisë dhe Sportit, për të krijuar një super atmosferë dhe për të ndihmuar Dardanët në rrugën e kualifikimit.

Përzgjedhësi i Kosovës në basketboll, Jean-Denys Choulet ka shpallur listën e gjerë për dy ndeshjet e Dardanëve në muajin shkurt.

Në listën e gjerë do të jenë 14 basketbollistë, derisa Erjon Kastrati do të mungojë për shkak të lëndimit.

Divine Myles rikthehet te Dardanët pas formës së mirë që po e tregon në Poloni, e po ashtu rikthehen nga lëndimet edhe Drilon Hajrizi, Valon Bunjaku dhe Musab Mala, që munguan në grumbullimin e fundit.

Kosova më 20 shkurt përballet me Azerbajxhanin dhe 23 shkurt me Zvicrën në parakualifikimet evropiane për FIBA Kupën e Botës 2027.

Të dy ndeshjet zhvillohen në Prishtinë, ku Dardanët më shumë se kurrë kanë nevojë për përkrahjen nga tifozët.

Dardanët kanë një fitore dhe tri humbje në katër ndeshjet e Grupit A.

Vendi i parë kualifikohet në fazën e ardhshme, ashtu si edhe vendi i dytë më i mirë nga tri grupet parakualifikuese.

Grumbullimi i parë i Kosovës do të jetë të dielën në mbrëmje në Pallatin e Rinisë dhe Sportit në Prishtinë, për të vazhduar më pas me stërvitje intensive nga dita e hënë.

Lista e gjerë e Kosovës

Divine Myles (Twarde Pierniki Toruń)

Valon Bunjaku (Bashkimi)

Jon Ismajli (Sigal Prishtina)

Dardan Berisha (Peja)

Mikaile Tmusiq (Trepça) 

Musab Mala (Bora)

Meriton Ismaili (Bashkimi)

Arian Qallaku (Golden Eagle Ylli)

Drilon Hajrizi (Trepça)

Rron Ukaj (Peja)

Muhamedali Janjeva (Sigal Prishtina) 

Dardan Kapiti (Trepça)

Lis Shoshi (Golden Eagle Ylli)

Gëzim Morina (Golden Eagle Ylli)

Përzgjedhës: Jean-Denys Choulet

Ndihmëstrajnerë: Bujar Loci, Andin Rashica

Federata e Basketbollit e Kosovës (FBK) falënderon të gjitha Grupet e Interesit për një super finale të ProCredit Kupës, që u zhvillua të mërkurën mbrëma në Prishtinë mes Trepçës dhe Bashkimit.

FBK falënderon Ministrinë e Kulturës, Rinisë dhe Sportit (MKRS) që gjithmonë përkrah eventet e basketbollit dhe ndihmon në zhvillimin e basketbollit të Kosovës.

Falënderim i madh dhe i përzemërt për ProCredit Bankën, sponsorin gjeneral të Superligës së Meshkujve dhe Kupës së Kosovës. Organizimi ishte në një tjetër nivel dhe kjo u mundësua falë sponsorit tonë dhe bashkëpunimit të ngushtë mes FBK-së dhe ProCredit Bank.

Falënderim i madh për partnerët tanë medialë Art Motion dhe Kujtesa për një super transmetim të një dimensioni tjetër, që ishte në nivelin më të lartë të mundshëm.

Federata e Basketbollit e Kosovës është mirënjohëse dhe falënderuese për sponsorët që gjithmonë janë afër nesh si Automita, Albi Mall, Korporata Rugove dhe 2U.

Faleminderit i veçantë shkon për Policinë e Kosovës, tifozët, klubet, si dhe të gjithë kontribuuesit për një super finale të basketbollit.