SUPERLIGA E MESHKUJVE
Sigal Prishtina kompleton katërshen gjysmëfinaliste të “Play-offit”, pasi fitoi ndeshjen e tretë çerekfinale ndaj Vëllaznimit me rezultat 83:73 (33:19, 15:16, 14:21, 21:17).
Vendasit e nisën ndeshjen më mirë me seri 7:0 dhe gjatë gjithë çerekut të parë ishin në epërsi, për tu shkëputur në fund dhe për të fituar këtë pjesë 33:19. Megjithatë, periudha e dytë ishte më e barabartë dhe skuadrat shkuan në pushim me rezultat 48:35.
Por, kuqezinjtë nuk u dorëzuan dhe në periodën e tretë afruan shifrat në 53:48, kurse shifrat në semafor pas 30 minutash ishin 62:56. Në dhjetë minutat e fundit, përkundër tentimeve nga mysafirët, bardhekaltrit ruajtën epërsinë dhe triumfuan me dhjetë pikë dallim, 83:73.
Më i miri te Sigal Prishtina ishte Diamond Stone me 28 pikë e 11 kërcime, derisa te Vëllaznimi më i miri ishte Myreon Jones me 22 pikë.
Sigal Prishtina në gjysmëfinale do të ndeshet me Trepçën, ku mitrovicasit kanë përparësinë e terrenit vendas, derisa gjysmëfinalja tjetër është Peja-Golden Eagle Ylli, duke premtuar spektakël të basketbollit.
FBK
Bazuar në kompetencat e Bordit të Federatës së Basketbollit të Kosovës që dalin nga Statuti i FBK-së, si dhe duke u bazuar në Nenin 31 të rregullores së Përfaqësueseve të Kosovës, Bordi i FBK-së ka marrë vendim që të emërojë trajnerin Viktor Kovac në cilësinë e përzgjedhësit të Përfaqësueses A Femrat të Kosovës.
Viktor Kovac është trajner nga Kroacia dhe me përvojë të madhe në kampionatin kroat, ndërsa ka qenë edhe përzgjedhës i Kombëtares së Kroacisë (F), kurse së fundi ai e ka udhëhequr KBF Bashkimin në stolisjen me titullin e kampionit për edicionin 2022/23 dhe 2023/24 në Superliga Femrat, si dhe triumfin në Kupë dhe Superkupë në dy edicionet e fundit.
Viktor Kovac do të udhëheq Përfaqësuesen A Femrat të Kosovës në FIBA Kampionatin Evropian për Shtete të Vogla, që do të organizohet në Prishtinë prej 25 deri më 30 qershor 2024.
SUPERLIGA E MESHKUJVE
Ndeshja e sotme mes Sigal Prishtinës dhe Vëllaznimit do të përcaktojë skuadrën e katërt gjysmëfinaliste të “Play-off”-it në Prince Caffe Superligë.
Sfidën e parë e fituan bardhekaltrit 72:64, derisa në takimin e dytë fituan kuqezinjtë me rezultat 66:65.
Përballja e sotme është vendimtare se kush do të kualifikohet tutje.
Fituesi i kësaj ndeshje në gjysmëfinale do të ndeshet me Trepçën, që përfundoi garat e para me 25 fitore e tri humbje, duke pasur edhe epërsinë e terrenit vendas, kurse sfida tjetër gjysmëfinale është Peja-Golden Eagle Ylli.
Skuadra që shënon tri fitore kualifikohet në finale, derisa në finale, skuadra që shënon tri fitore shpallet kampione e Kosovës.
FBK
Federata e Basketbollit e Kosovës (FBK) ka shpalosur detajet për eventet e verës që do t’i organizojë në Panairin e Turizimit dhe Sportit.
Ky Panair është hapur dje, derisa përfundoi sot. FBK, për herë të dytë radhazi ishte pjesëmarrëse e këtij Panairi.
Zyrtarët e FBK-së kanë informuar të pranishmit për ngjarjet e basketbollit, duke i ftuar të marrin pjesë dhe sigurisht të përkrahin Kosovën në këto gara.
FBK në këtë Panair ka prezantuar eventet gjatë verës që do t’i organizojë: FIBA 3x3 Europe Cup Qualifier, FIBA Kampionatit Evropian për Shtete të Vogla - Femrat, FIBA 3x3 Women’s Series, FIBA 3x3 Challenger Prishtina, FIBA U18 Kampionati Evropian, Divizioni C për Femra, si dhe për Basketbollin 3x3 në kuadër të Projektit “Sport në Shkolla”.
Po ashtu FBK ka shpërndarë edhe dhurata, ndërsa një numër i madh i të pranishmëve është interesuar për eventet e FBK-së.
# | Lojtari | Minutat e luajtura | Pikët e shënuara | Kërcime | Asistime | Indeksi | |
---|---|---|---|---|---|---|---|
1 | Arian Azemi | 40 | 41 | 9 | 7 | 46 | |
2 | Isaiah Kelly | 28.98 | 29 | 16 | 3 | 33 | |
3 | Urim Zenelaj | 18.58 | 12 | 11 | 3 | 24 | |
4 | Jalen Ray | 33.08 | 21 | 5 | 5 | 22 | |
5 | Jordan Dallas | 25.61 | 16 | 6 | 1 | 19 |