Pritjes i erdhi fundi. Fundjava shënon fillimin e edicionit të ri të ProCredit Superligës.

Ky pritet të jetë njëri nga më interesantit në vitet e fundit, për shkak të përgatitjeve të skuadrave, përforcimeve dhe synimeve që kanë.

ProCredit Superliga me shumë derbi, ku pothuajse secila ndeshje është më interesante se tjetra.

Sfida hapëse do të jetë ndërmjet Golden Eagle Yllit dhe Sigal Prishtinës, një përballje që pritet të jetë e baraspeshuar dhe interesante.

Bora, që për edicionin e dytë, garon në elitën e basketbollit do të ndeshet me Rahoveci 029, që është edicionin kishte luajtur në Ligën e Parë. Takimi zhvillohet në Pallatin e Rinisë dhe Sportit në Prishtinë.

Të dielën do të zhvillohet sfida tjetër ndërmjet Vëllaznimit dhe Bashkimit, takim që zhvillohet në Prizren.

Java e parë mbyllet me derbin ndërmjet skuadrave rivale, Trepçës dhe Pejës, dy skuadra me traditë në basketbollin e Kosovës, ku synojnë të nisin edicionin e ri me fitore.

ProCredit Superliga - Java 1

E shtunë ora 19:00                      

19:00 Golden Eagle Ylli - Sigal Prishtina

E diel

17:00 Bora - Rahoveci 029

17:00 Vëllaznimi - Bashkimi

19:00 Trepça - Peja

Të nderuar basketbollistë/e, trajnerë/e, punëtorë sportivë dhe dashamirës të basketbollit,

Këtë fundjavë hapim një kapitull të ri të ProCredit Superligës, një edicion që premton emocione të forta, rivalitete të zjarrta dhe performanca në nivelin më të lartë. Ky është momenti kur elita e basketbollit tregon forcën, përkushtimin dhe zemrën e saj, duke krijuar spektaklin që e duam të gjithë.

Federata e Basketbollit e Kosovës (FBK) punon pa u lodhur për të ngritur standardet dhe për të zhvilluar basketbollin në çdo cep të vendit. Ky edicion pasqyron investimin, përkushtimin dhe pasionin e çdo lojtari, trajneri dhe stafi sportiv. Çdo sfidë, çdo ndeshje, çdo moment do të tregojë energjinë dhe vendosmërinë tonë për të bërë basketbollin të madh.

Ky edicion nuk do të ishte i mundur pa mbështetjen e jashtëzakonshme të sponsorit tonë gjeneral, ProCredit Bank. Ata janë partneri besnik dhe aleati ynë i palëkundur, që na mundëson të zhvillojmë garat në standardet më të larta dhe të ofrojmë eksperienca të paharrueshme për lojtarët dhe tifozët. ProCredit Bank është zemra e Superligës dhe një nga shtyllat e suksesit tonë!

Ne presim me padurim fillimin e ProCredit Superligës, Superligës për Femra dhe Ligave të tjera. Ky edicion sjell sfida të reja, rivalitete të forta dhe momente vendimtare që do të ngjallin adrenalinë. Por vetëm duke vepruar së bashku, duke bashkëpunuar dhe duke mbështetur njëri-tjetrin, mund t’i kapërcejmë të gjitha sfidat dhe të ngrisim basketbollin e Kosovës në nivele që kurrë nuk i kemi parë më parë.

Faleminderit të gjithë partnerëve, sponsorëve, klubeve, grupeve të interesit dhe punëtorëve sportivë që japin më të mirën çdo ditë për basketbollin e Kosovës. Të gjitha klubeve u uroj suksese në këtë edicion dhe shumë suksese ndërkombëtare.

Le të jetë një sezon mbresëlënës, energjik dhe i paharrueshëm, ku secili prej nesh të japë maksimumin, ku tifozët të emocionohen dhe ku suksesi të ndodhë në çdo sfidë! Bashkë, ne do ta bëjmë këtë vit të paharrueshëm!

Me respekt dhe përkushtim,

Arben FETAHU

Kryetar

Federata e Basketbollit e Kosovës

Trepça dhe Bashkimi do të jenë klubet nga Kosova që do të garojnë në grupet e FIBA Europe Cup.

Kampioni dhe nënkampioni i Kosovës do të kenë grupe të vështira, por me synime për të përfaqësuar qytetin dhe shtetin sa më mirë në këtë garë mjaft të rëndësishme evropiane.

Trepça është në grup me Anwilin e Polonisë, PAOK-un e Greqisë dhe Braunschweig të Gjermanisë.

Ndërkohë, Portokallezinjtë do të jenë në grup me JDA Dijon Basket (FRA); Pallacanestro Reggiana (ITA) dhe KK Cibona (KRO)

Orari i Trepçës

15 tetor

PAOK-Trepça

22 tetor

Trepça-Braunschweig

29 tetor

Trepça-Anwil

12 nëntor

Braunschweig-Trepça

19 nëntor

Anwil-Trepça

Orari i Bashkimit

15 tetor

Bashkimi-Cibona

22 tetor

Pallacanestro Reggiana-Bashkimi

29 tetor

Bashkimi-Dijon

4 nëntor

Cibona-Bashkimi

12 nëntor

Bashkimi-Pallacanestro Reggiana

18 nëntor

Dijon-Bashkimi

Bashkimi për herë të parë do të jetë pjesë e grupeve të FIBA Europe Cup

Përkundër humbjes nga Anwil, prizrenasit u kualifikuan si një nga tri skuadrat 'lucky losers' me diferencë më të vogël të humbjeve.

Portokallezinjtë do të jenë në grup me JDA Dijon Basket (FRA); Pallacanestro Reggiana (ITA) dhe KK Cibona (KRO)

Ndërkohë, kampionia Trepça është në grup me Anwilin e Polonisë, PAOK-un e Greqisë dhe Braunschweig të Gjermanisë.

Fillimi i edicionit 2025/26

Bazuar në kompetencat e Bordit të Federatës së Basketbollit të Kosovës (FBK) që dalin nga Statuti, gjegjësisht Neni 24, si dhe në përputhje me Rregulloren e Punës së Bordit të FBK-së, në mbledhjen e mbajtur më 30.09.2025, Bordi i FBK-së, pas trajtimit të pikave sipas rendit të ditës, ka vendosur si në vijim:

1. Palestrat sportive dhe procesi zgjedhor

Lidhur me çështjen e palestrave sportive të zëna për zgjedhjet lokale dhe ndikimin e tyre në fillimin e edicionit të ri të garave të FBK-së, janë miratuar vendimet si më poshtë:

1.1. Pas aprovimit nga Komisioni Qendror të Zgjedhjeve (KQZ), xhiroja e parë (I) e ProCredit Superligës dhe Superliga Femrat do zhvillohet sipas datave të parashikuara, në palestrat sportive të qyteteve përkatëse.

• ProCredit Superliga do fillojë me datë 4-5 tetor 2025 në palestrat sportive përkatëse, ndërsa xhiro e dytë (II) vazhdon me datat 18-19 tetor 2025 në palestrat sportive përkatëse.
• Superliga Femrat do të fillojë sipas datave të parashikuara në palestrat sportive përkatëse, ndërsa xhiroja e dytë (II) dhe tretë (III) do organizohen nga FBK në një palestër sportive të vetme, me qëllim lehtësimin e zhvillimit të ndeshjeve në periudhën zgjedhore.

1.2. Është vendosur që Superkupa e Meshkujve për edicionin 2025/26 të anulohet dhe të mos zhvillohet, me qëllim që të mos tejzgjatet vijimi i ProCredit Superligës dhe të sigurohet zhvillimi i garave sipas kalendarit të paraparë.

2. Licencimi i klubeve, edicioni 2025/26

Sa i përket procesit të licencimit të klubeve për edicionin 2025/26, janë miratuar vendimet si më poshtë:

2.1. Kontratat profesionale të lojtarëve do të pranohen edhe të pa-noterizuara, mirëpo ky kriter do të konsiderohet i përmbushur vetëm pas deponimit të të gjitha kontratave pa përjashtim. Në rast se kontrata e një lojtari nuk është deponuar në FBK, lojtari në fjalë nuk do të lejohet të paraqitet për lojë deri në deponimin e kontratës.

2.2. Mungesa e paraqitjes së një ekipi të gjeneratave të reja nga një klub i ProCredit Superligës do të rezultojë në pagesë prej 20,000.00 € për çdo kategori të munguar.

2.3. Për klubet e Superliga Femrat, është lehtësuar kriteri sportiv dhe është e domosdoshme paraqitja e dy ekipeve të gjeneratave të reja, përkatësisht: U14 (obligative) dhe U16 ose U18 (njëra prej tyre obligative).

3. Shitja e biletave online

Fillimi i zbatimit dhe implementimit të shitjes së biletave online do fillojë nga xhiroja e tetë  (VIII) e ProCredit Superligës.

4. Mbulimi i shpenzimeve për ligat e gjeneratave të reja

FBK do të mbulojë shpenzimet për personat zyrtarë të ndeshjeve për ligat e kategorive të reja do mbulohen në një shumë totale prej 125,000.00EUR. Kjo shumë përfshin ligat në vijim:

• Liga U18 Lindje
• Liga U18 Perëndim
• Liga U18 Vajzat
• Liga U16 Grupi A
• Liga U16 Grupi B
• Liga U16 Grupi C
• Liga U16 Grupi D
• Liga U16 Vajzat-Lindje
• Liga U16 Vajzat-Perëndim
• Liga U14 Lindje
• Liga U14 Perëndim
• Liga U14 Vajzat
• Liga U12 Lindje
• Liga U12 Perëndim
• Liga U10 (4 turne gjatë vitit)

5. Lista e gjyqtarëve për edicionin 2025/26

Në listën e gjyqtarëve për edicionin 2025/26, gjyqtari Ergin Balaj kalon nga Licenca C në Licencën B.

Ky vendim hyn në fuqi në ditën e miratimit të tij.

Bashkimi pas fitores shumë të rëndësishme përballë Anwil-it kërkon për herë të parë të jetë pjesë e grupeve në FIBA Europe Cup.

Për të arritur suksesin historik për klubin më të vjetër në Kosovë, prizrenasit duhet të ruajnë epërsinë e pikëve nga fitorja e parë.

Sfida në Prizren përfundoi 80:75 për Portokallezinjtë, derisa në grupe do të hyjë skuadra që është më e mirë nga dy ndeshjet.

Nënkampionët për herë të parë janë në kualifikimet e FIBA Europe Cup, ndërsa nëse kalojnë pengesën në Poloni, atëherë do t’i bashkoheshin kampiones së Kosovës, Trepçës, si dhe PAOK-ut të Greqisë dhe Braunschweig të Gjermanisë në Grupin F.

Anwil është një nga skuadrat më të forta polake në vitet e fundit, ku para dy vitesh kishte triumfuar në FIBA Europe Cup, kurse edicionin e kaluar ishte ndalur në Raundin e 1/16-tes.

Ndeshja zhvillohet të mërkurën në Poloni nga ora 18:30 dhe transmetohet në faqen e YouTubes në FIBA.