Qipro është shpallur kampione e FIBA U16 Ëomen’s EuroBasket, Divizioni C, që u mbajt nga 8 korriku në Pejë. 

 Qipro në finale e mposhti Armeninë me rezultat 65:58 (21:17, 17:10, 16:13, 11:18) 

Finalja e fundit në Pejë u zhvillua në një super atmosferë, derisa ky kampionat ishte me dramë, adrenalinë dhe emocione të pafundme.

 Në këtë kampionat të mbajtur në Pejë, Qipro është kampione, derisa Armenia u rendit në të dytin, Shqipëria në të tretin, Malta në të katërtin, Gjeorgjia zuri vendin e pestë, Kosova të gjashtin, Moldavia të shtatin dhe Gjibraltari të tetin.

Çmimi për Mirënjohje të Mikpritjes u dorëzua Z. Georgios Tanatzis, Komisioner Kryesor i Ekipit të Gjyqtarëve, ndërsa këtë çmim e pranoi Elvira Dushku, Sekretare e Përgjithshme e Federatës së Basketbollit të Kosovës.

Çmimi për Fair-Play e mori Gjibraltari dhe këtë çmim e dorëzoi Vlora Braha, Personi i Kontaktit për Integritet në Federatën e Basketbollit të Kosovës.

Çmimi “All Star 5”, për Claire Portelli, Altea Hamitaj, Evelina Demetradi, Ava Seda Gharib dhe Katerina Shakalli, u nda nga Adriatik Rraci, Drejtor i Përfaqësueseve të Kosovës dhe Zëvendës Sekretar i Përgjithshëm.

MVP u shpall Evelina Demetriasi dhe këtë çmim e dorëzoi Elvira Dushku, Sekretare e Përgjithshme e Federatës së Basketbollit të Kosovës.

Medaljet e Bronzit për Shqipërinë u ndan nga Adriatik Rraci, Drejtor i Përfaqësueseve të Kosovës dhe Zëvendës Sekretar i Përgjithshëm, dhe Dardan Kasapolli, Anëtar i Bordit të Federatës së Basketbollit të Kosovës.

Medaljet e Argjendta për Armeninë u ndan nga Fatmir Gashi, Nënkryetar i Federatës së Basketbollit të Kosovës dhe Dardan Kasapolli, Anëtar i Bordit të Federatës së Basketbollit të Kosovës.

Medaljet e Artë për Qipron u ndan nga Z. Wolfgang Brenscheidt, Anëtar i Bordit të Evropës në FIBA dhe Kryetar i Komisionit të Garave të FIBA Evropë, dhe Z. Arben Fetahu, Kryetar i Federatës së Basketbollit të Kosovës.

 Trofeu u nda nga Z. Wolfgang Brenscheidt, Anëtar i Bordit të Evropës në FIBA dhe Kryetar i Komisionit të Garave të FIBA Evropë.

Kosova përfundoi garat në këtë kampionat në vendin e gjashtë të FIBA U16 Women’s EuroBasket, Division C 2025.

Kosova U20 (M) ka shënuar fitoren e dytë radhazi në FIBA U20 EuroBasket, Divizioni B për meshkuj.

Dardanët e rinj fituan ndaj Shqipërisë me shifrat 57:78 (13:11, 21:21, 9:21, 14:25).

Pjesa e parë e sfidës ishte kryesisht e baraspeshuar me kuqezinjtë që e fituan çerekun e parë 13:11, derisa i dyti përfundoi 21:21.

Dallimi i madh dhe vendimtar u bë në pjesën e dytë, kur U20 fitoi periodën e tretë bindshëm 9:21, derisa të fundit 14:25, për të triumfuar 57:78.

Te Kosova u dalluan Erolt Rrahmani me 23 pikë e tetë kërcime, Jon Ismajli me 16 pikë, pesë kërcime e pesë asistime, Arlind Konjuhi me 15 pikë dhe Rron Dahsyla me 14 pikë.

Kosova dy ndeshjet e fundit në grupe i zhvillon ndaj Hungarisë dhe Turqisë.

Divizioni B në konkurrencën e meshkujve po mbahet në Yerevan të Armenisë.

Kosova triumfoi ndaj Gjibraltarit në FIBA U16 EuroBasket 2025, Divizioni C, me rezultat 74:35 (25:6, 22:12, 13:6, 14:11).

Kjo ishte fitorja e dytë për vashat e Kosovës në këtë Evropian.

Ndeshja nisi më mirë për vajzat e Kosovës, të cilat fituan bindshëm të dy pjesët  e para 25:6 dhe 22:12.

Në pjesën e dytë, Dardanet e reja vazhduan me ritëm të lartë, duke dominuar në mbrojtje dhe sulm. Ato fituan edhe çerekun e tretë dhe të katërt, duke siguruar fitoren me rezultat bindës 74:35.

Kosova zhvillon lojën e fundit nesër në ora 15:30 ndaj Gjeorgjisë në FIBA U16 EuroBasket për vendin e pestë.

Kosova U20 shënoi fitore në ndeshjen e parë të FIBA U20 EuroBasket, Divizioni B, me rezultat 71:64 (12:17, 24:15, 16:19, 19:13).

Dardanët e rinj zhvilluan një ndeshje fantastike, duke dominuar në pjesën më të madhe të kohës. Pjesa e parë nisi më mirë për suedezët, të cilët e fituan çerekun e parë me rezultat 12:17. Megjithatë, në periudhën e dytë, Dardanët u rikthyen fuqishëm, duke fituar çerekun e dytë me 24:15.

Në periodën e tretë, suedezët u rikthyen sërish, duke e fituar atë me rezultat 16:19, por pas një loje shumë interesante, Dardanët e rinj e rikthyen epërsinë dhe siguruan fitoren me rezultat të përgjithshëm 71:64.

Më të mirët për Kosovën ishin Orges Shatri me 20 pikë, Jon Ismajli me 14 pikë dhe Rron Dahsyla me 13 pikë.