FBK
Federata e Basketbollit e Kosovës zyrtarisht ka lansuar identitetin e ri “Basketbolli 3.0”.
Në këtë ngjarje shumë të rëndësishme për basketbollin e Kosovës para publikut është prezantuar koncepti dhe identiteti i ri basketbollit në Kosovë, duke reflektuar vizionin e transformimit, inovacionit dhe përfshirjes.
Në lansimin zyrtar kanë marrë pjesë përfaqësues të klubeve, institucioneve, sponsorëve, mediat dhe figurat e nderuara të sportit.
Kryetari i Federatës së Basketbollit të Kosovës, Arben Fetahu, ka folur për rëndësinë e këtij projekti madhor.
“Sot në këtë rrugëtim të vazhdueshëm, Federata e Basketbollit po prezanton basketbollin 3.0, vizionin tonë të ri, iniciativën më të madhe dhe projektin me të cilin po shpresojmë që ta transformojmë lojën e basketbollit në çdo aspekt. Basketbolli 3.0 është një strategji gjithëpërfshirëse, një filozofi e re në mënyrën se si do të zhvillojmë, si do ta organizojmë dhe promovojmë basketbollin. Por çka është basketbolli në disa pika të shkurtra? Përfshinë modernizimin, sepse basketbolli duhet të ec me kohën, me teknologjinë, me dixhitalizimin dhe me standartet më të larta të organizimit sportiv. Përtej kësaj është gjithëpërfshirja, sepse duhet të sigurohemi që basketbolli të luhet nga të gjithë, nga vajzat, djemtë, të rinjtë, të rejat, nga secili komunitet. Mandej, ne duhet të punojmë në cilësi dhe profesionalizëm bashkë me të gjithë përfaqësuesit e klubeve që i kemi e dinë se sa jemi duke u munduar për vite me radhë që përmes kritereve të licencimit të sigurojmë profesionalizëm të shkuar”, është shprehur Fetahu.
Presidenti i Komitetit Olimpik të Kosovës, Ismet Krasniqi, deklaroi se Basketbolli 3.0 është në harmoni të plotë me frymën e lëvizjes olimpike.
“Në frymën e lëvizjes olimpike, Basketbolli 3.0 mëshiron tri shtylla të forta përparimin, kreativitetin dhe unitetin. Qëllimet e basketbollit 3.0 janë tërësisht të harmonizuara me vizionin tonë olimpik. Rritja e pjesëmarrjes është në përputhje me idealin tonë për sportin për të gjithë, zhvillimi i talenteve të rinj dhe i vajzave është pjesë e përkushtimit tonë për barazi dhe mundësi të barabarta, përmirësimi i imazhit të Kosovës në arenën ndërkombëtare është një mision që e ndajmë çdo dit përmes sportit dhe sportistëve tanë olimpik”, tha Krasniqi.
Fidan Shatri, Kryeshef i Agjencisë së Sportit të Kosovës deklaroi mbështetjen për projekte të tilla.
“Dy prej pesë pikave më bën përshtypje, zhvillimi i talenteve dhe prezantimi në arenën ndërkombëtare. Unë prej këtu bëj thirrje, sidomos tek anëtaret e juaj që zhvillimi i talenteve lidhet me klubet tona dhe në të njëjtën kohë të punohet shumë më shumë në prezantimin në arenën ndërkombëtare. Ministria për Kulturë, Rini dhe Sport do të jetë çdoherë partner i aftë për projektet që kanë për qëllim zhvillimin e basketbollit”, theksoi Shatri.
Aulona Muhadri, përfaqësuese e Shoqatës së Basketbollistëve/Kapitene e Kombëtares së Kosovës ishte shumë e lumtur me lansimin e këtij projekti të rëndësishëm, jo vetëm për basketbollin e femrave, por edhe të Kosovës. “Kjo është një nismë e re, një energji e re. Jo vetëm si Projekt, por është një platformë, ku do të gjejnë veten lojtarët, klubet, tifozët dhe komuniteti i basketbollit. Nuk është vetëm për basketbollin e femrave, por për të gjithë, pa dallim gjinie dhe moshe. Falënderoj drejtuesit e FBK-së që punojnë pandërprerë për zhvillimin e basketbollit femëror në vendin tonë”, u shpreh basketbollistja e Bashkimit.
FBK
Vendim i Bordit të FBK-së i datës 18 shtator për procesin e licencimit të klubeve për sezonin 2025/26
Qëllimi
Ky vendim ka për qëllim përcaktimin e afatit të fundit për përmbushjen e kritereve të licencimit nga klubet anëtare të Federatës së Basketbollit të Kosovës (FBK), në kuadër të përgatitjes për sezonin e ri garues 2025/26.
Duke u bazuar në propozimin e Sekretares së Përgjithshme, znj. Elvira Dushku, dhe pas shqyrtimit nga anëtarët e Bordit të FBK-së,
BORDI VENDOSI:
Afati i fundit për dorëzimin e dokumentacionit
Parimet e vendimit
Ky vendim bazohet në parimet e:
Zbatimi
FBK
Federata e Basketbollit e Kosovës sot zyrtarisht do ta lansojë identitetin e ri “Basketbolli 3.0”.
Në këtë event do të prezantohet para publikut koncepti dhe identiteti i ri basketbollit në Kosovë, duke reflektuar vizionin e transformimit, inovacionit dhe përfshirjes.
Në lansimin zyrtar do të marrin pjesë përfaqësues të klubeve, institucioneve, sponsorëve, mediat dhe figurat e nderuara të sportit.
Ngjarja do të mbahet sonte nga ora 18:00 në Hotel Marriott, Prishtinë.
Programi
Fjala hyrëse dhe prezantimi i vizionit dhe identitetit “Basketbolli 3.0” – Kryetari i FBK-së
Adresime institucionale
Ismet Krasniqi, President i Komitetit Olimpik të Kosovës
Fidan Shatri, Kryeshef i Agjencisë së Sportit të Kosovës
Fjalë rasti – Aulona Muhadri, përfaqësuese e Shoqatës së Basketbollistëve/Kapitene e Kombëtares së Kosovës
Koktej dhe rrjetëzim
FBK
Akademia Olimpike që vepron në kuadër të Komitetin Olimpik të Kosovës (KOK) ka publikuar listën prej 50 kandidatëve të pranuar në edicionin e dytë të programit të edukimit “Trajner Sportiv”.
Në mesin e tyre janë nëntë trajnerë nga basketbolli: Arben Telaku, Benita Juniku, Bleartë Berisha, Driton Puka, Shemsedin Bytyqi, Shqipe Çorkadiu, Sumeja Osmani, Valbona Bytyqi dhe Valton Bajrami.
Edicioni i dytë nis më 1 tetor, ndërsa semestri i parë përfundon më 15 janar 2026.
Programi “Trajner Sportiv”, i akredituar nga Autoriteti Kombëtar i Kualifikimeve – niveli i pestë, kryen funksione të ndryshme që kanë të bëjnë me trajnim dhe edukim në fushën e sportit. Gjithashtu, ofron edukimin dhe përgatitjen profesionale të trajnerëve në drejtimin e menaxhimit individual dhe grupor në një disiplinë sportive.
| # | Lojtari | Minutat e luajtura | Pikët e shënuara | Kërcime | Asistime | Indeksi |
|---|
Regjistrohuni për t'u informuar për lajmet më të fundit nga Federata e Basketbollit të Kosovës!
Copyright © Përkrahur me nga Global CT
Liga e Parë e Meshkujve
Liga e Dytë e Meshkujve
