ZYRTARE: Viktor Kovac në cilësinë e përzgjedhësit të Përfaqësueses A Femrat të Kosovës

Mesjava do të sjellë përballjet e dyta gjysmëfinale të “Play-offit” në Prince Caffe Superligë.

Gara e sa vjen bëhet më interesante dhe vendimtare, ku katër skuadra luftojnë për titullin e kampionit.

Golden Eagle Ylli-Peja është sfida që zhvillohet të mërkurën mbrëma. Therandasit fituan ndeshjen e parë si mysafirë 84:87, në një takim me kthesa dhe tani Ylli acancon në serinë gjysmëfinale 1:0. Vendasit synojnë të ngritin epërsinë në 2:0 dhe të afrohen më shumë drejt finales, kurse kampionët të barazojnë serinë në 1:1 dhe të rikthejnë epërsinë e terrenit vendas.

Dueli tjetër zhvillohet të enjten mes Sigal Prishtinës dhe Trepçës. Duelin e parë e fituan mitrovicasit 87:81 dhe synojnë fitoren e dytë radhazi në gjysmëfinale, kurse prishtinasit synojnë të barazojnë serinë në 1:1.

Skuadrat që shënojnë tri fitore do të kualifikohen në finale, derisa për tu shpallur kampionë nevojiten po ashtu tri fitore.

Gjysmëfinalet 2

E mërkurë

19:00 Golden Eagle Ylli - Peja

E enjte

19:00 Sigal Prishtina - Trepça

Gjyqtarët nga Kosova do të gjykojnë në garat evropiane, që do të zhvillohen gjatë verës.

Xhelal Mumini do të gjykojë në FIBA U20 EuroBasket Division B për meshkuj, që do të zhvillohet në Pitesti të Rumanisë. Ky kampionat zhvillohet nga 12 deri më 21 korrik.

Ngadhnjim Shabani do të gjykojë në FIBA U18 EuroBasket Division B për meshkuj, që zhvillohet në Shkup të Maqedonisë Veriore nga 26 korriku deri më 4 gusht.

Elldin Uglari do të gjykojë në FIBA Kampionatin Evropian për Shtete të Vogla, që zhvillohet në Prishtinë nga 25 deri më 30 qershor.

Uglari po ashtu do të gjykojë në U16 Women's EuroBasket, Division B që zhvillohet nga 15 deri më 24 gusht në Konja të Turqisë.  

Amar Djekovic do të gjykojë në dy gara ndërkombëtare. Amari do të gjykojë në FIBA Kampionatin Evropian për U18 Femra, Divizioni C, që zhvillohet në Prishtinë nga 23 deri më 28 korrik, si dhe FIBA U16 EuroBasket Division C, që zhvillohet në Tiranë nga 9 deri më 14 korrik. 

Federata e Basketbollit e Kosovës (FBK) hap Thirrje Publike për Vullnetarët e eventeve të verës.

FBK fton të gjithë të interesuarit/at, moshuarit/at, të rinjtë, si dhe nga komunitetet tjera për tu paraqitur për të qenë pjesë e ngjarjeve ndërkombëtare që do të organizohen gjatë verës në vendin tonë.

Vullnetarët/et do të jenë pjesë e eventeve: FIBA 3x3 Europe Cup Qualifier, FIBA Kampionatit Evropian për Shtete të Vogla – Femrat dhe FIBA U18 Kampionati Evropian, Divizioni C për Femra.

Të interesuarit/at mund të dërgojnë CV-në në email-adresën manager@basketbolli.com deri më 3 maj 2024.

Granit Rugova është emëruar Drejtor i Programeve dhe Projekteve Zhvillimore në Federatën e Basketbollit të Kosovës (FBK).

Bordi i FBK-së e ka miratuar emërimin e Rugovës, pas propozimit nga Komisioni për Intervista.

Rugova rikthehet në Federatën e Basketbollit të Kosovës pas dy vjetësh, ku ishte Drejtor i Përfaqësueseve të Kosovës.

Graniti ka qenë basketbollist i Kosovës, si dhe basketbollist i Prishtinës, ku ka fituar shumë trofe në karrierën e tij, derisa për një edicion ka mbrojtur ngjyrat e Bashkimit.

Ai së fundi ka qenë Drejtor i Sportit në Komunën e Prishtinës.

Kujtojmë se, Graniti ka përfunduar me sukses programin e FIBA-s, FIBA Time Out 2.0.

Me përvojën e tij, Granit Rugova do të jetë një vlerë e shtuar për FBK-në dhe do të ndihmojë në Zhvillimin e Programeve dhe Projekteve.