Bordi i Federatës së Basketbollit të Kosovës (FBK) ka shpallur konkursin për organizimin e Superkupës Femrat, e cila do të zhvillohet nga 30 shtator deri më 4 tetor 2024.

Ky event i rëndësishëm mbledh 6 skuadrat e Superligës Femrat dhe konsiderohet mundësi e shkëlqyer për skuadrat që para fillimit të kampionatit të testojnë aftësitë e tyre.

Të drejtë konkurrimi kanë të gjithë personat juridik që përmbushin kushtet e këtij konkursi dhe dispozitat e parapara në Udhëzuesin për Organizim të Superkupës së Kosovës.

Për të konkurruar për organizimin e Superkupës së Kosovës- Femrat kandidatët duhet përmbushur këto kushte:

➢ të mos ketë obligime të pakryera ndaj FBK-së;

➢ të sigurojë palestrën dhe kushtet për zhvillimin e ndeshjeve sipas rregullave të lojës së FIBA-s, Propozicioneve dhe Rregullores së Garave të FBK-së, si dhe akteve tjera normative të FBK-së;

➢ të sigurojë medaljet, kupat dhe trofetë, dizajnin e të cilave e përzgjedh FBK;

➢ ti përmbahet në përpikëri dispozitave të Udhëzuesit për Organizim të Superkupës Kosovës për marketing në palestër dhe në transmetime televizive;

➢ të sigurojë prezencë të mjaftueshme të forcave policore dhe pjesëtarëve të sigurimit privat në të gjitha ndeshjet e Superkupës;

➢ të nënshkruaj kontratë me FBK-në, ku do të specifikohen detajet e organizimit si dhe obligimet e të drejtat e palëve.

Në rast të përmbushjes së të gjitha kritereve nga dy ose më shumë aplikantë, kriteri financiar është prevalent (kryerja e obligimeve ndaj FBK-së).

Konkursi për të aplikuar për Superkupën e Kosovës – Femrat mbetet i hapur nga datat deri më 20 shtator.

Të gjithë të interesuarit që kanë kapacitetet e nevojshme dhe dëshirën për të organizuar këtë event të veçantë, janë të inkurajuar të dorëzojnë aplikimet e tyre në adresën: office@basketbolli.com (Rrezarta Kqiku – Asistente Ekzekutive).