Drejtor i Përfaqësueseve dhe Zëvendës Sekretar i Përgjithshëm i FBK-së, Adriatik Rraci dhe Menaxherja e Eventeve dhe Basketbollit 3x3 në FBK, Artina Hasani, kanë marrë pjesë në Punëtorinë në Munih të Gjermanisë, që është zhvilluar më 28-29 janar.

Punëtoria ka qenë mjaft e rëndësishme, pasi është folur për organizimin e ngjarjeve ndërkombëtare, sidomos të FIBA Kampionateve Evropiane për grupmosha të reja, ku zakonisht i organizon edhe Kosova.

Gjithashtu është diskutuar për ndryshimet e reja që jenë nga kjo verë.

Rraci dhe Hasani përvojën e fituar në këtë Punëtori do ta bartin në FBK, që rregullisht organizon gara ndërkombëtare, duke marrë vlerësime pozitive nga FIBA Evropa.

Ata janë ndarë të kënaqur me pjesëmarrjen në këtë Punëtori, duke theksuar nevojën dhe rëndësinë se sa e rëndësishme është organizimi i ngjarjeve ndërkombëtare në vendin tonë.

Rraci dhe Hasani po ashtu kanë marrë pjesë në shortin për grupmoshat e reja, që u zhvillua në Munih, ku Kosova do të marrë pjesë me pesë Përfaqësuese.

Federata e Basketbollit të Kosovës do të organizojë FIBA U-16 Women’s EuroBasket 2025 Divizioni C, që do të mbahet nga 8 deri 13 korrik 2025. Ky Evropian do të mbahet në Pejë.