Federata e Basketbollit e Kosovës (FBK) shpreh mirënjohje të veçantë për të gjitha klubet pjesëmarrëse në Final 4 Kupa e Kosovës Femrat dhe Final 8 Kupa e Ligës së Parë Meshkujt, të mbajtura nga data 21 deri më 25 shkurt në qytetin mikpritës të Rahovecit.

Urime të përzemërta për finalistët dhe fituesit:

KBF Bashkimi për triumfin në Final 4 Kupa e Kosovës Femrat, pas një finale të jashtëzakonshme kundër KBF Prishtina.

KB Grapeland për suksesin në Final 8 Kupa e Ligës së Parë Meshkujt, pas një përballje dinamike me KB KEKU.

Falënderojmë të gjitha klubet pjesëmarrëse në të dyja garat për konkurrencën e fortë dhe shpirtin sportiv që shfaqën në parket:

KBF Bashkimi, KBF Prishtina, KBF Penza dhe KBF Junior 06 në Kupën e Kosovës Femrat.

KB Grapeland, KB KEKU, KB Istogu, KB Kosovari, KB New Basket, KB Borea, KB Kerasan dhe KB Vushtrria në Final 8 të Kupës së Ligës së Parë Meshkujt.

Një falënderim i veçantë për:

KB Grapeland për mikpritjen dhe organizimin e shkëlqyer të të dyja eventeve, duke krijuar një atmosferë sportive dhe duke promovuar basketbollin në Kosovë.

Gjyqtarët ndërkombëtarë dhe vendorë, pjesëmarrës në Kampin për Gjyqtarët Potencial të FIBA-s, për drejtësinë dhe profesionalizmin e treguar në ndarjen e drejtësisë në çdo ndeshje.

Partnerët dhe sponsorët tanë për mbështetjen e palodhshme dhe përkushtimin e tyre ndaj zhvillimit të basketbollit në vendin tonë.

Komunitetin e basketbollit për përkrahjen dhe dashurinë e vazhdueshme ndaj këtij sporti që na bashkon të gjithëve.

Stafin e Federatës së Basketbollit të Kosovës për përkushtimin dhe angazhimin e vazhdueshëm për të siguruar mbarëvajtjen e këtyre eventeve sportive.

Këto ngjarje sportive jo vetëm që promovuan basketbollin, por gjithashtu treguan përkushtimin tonë ndaj zhvillimit të këtij sporti në të gjitha nivelet në Kosovë.

Federata e Basketbollit e Kosovës do të vazhdojë të punojë me përkushtim për të fuqizuar basketbollin në vend, duke krijuar mundësi për të gjithë sportistët dhe sportistet tanë.

Faleminderit të gjithëve që kontribuuan në suksesin e këtyre eventeve të rëndësishme për basketbollin kosovar!

Arben FETAHU

Kryetar

Federata e Basketbollit të Kosovës