KEKU ka fituar ndeshjen e parë finale të “Play-off”-it në Ligën e Parë të Meshkujve.
‘Elektricistët’ fituan në Rahovec ndaj Grapeland me rezultat 69:78 (17:21, 17:12, 7:23, 28:22).
Në çerekun e parë, mysafirët kishin epërsi deri në tetë pikë, 8:16, derisa në periudhën e dytë, u rikthyen vendasit fuqishëm për të përmbysur shifrat në 26:21, e më pas zhvillohet lojë e baraspeshuar, ku pjesa e parë përfundon 34:33. Perioda e tretë ishte vendimtare, ku mysafirët ishin më të mirë, 7:23, derisa në dhjetë minutat e fundit, ‘Vreshtarët’ ngushtuan shifrat, megjithatë KEKU fitoi 69:78.
Te vendasit u dallua Albin Berisha me 22 pikë, ndërsa te mysafirët katër basketbollistë shënuan pikë dyshifrore, ndërsa Adrian Ibishi mbylli ndeshjen me 17 pikë e 12 kërcime.
Ndeshja e dytë zhvillohet të martën. Skuadra që shënon dy fitore shpallet kampione dhe siguron Superligën për edicionin e ardhshëm, kurse finalisti luan në “Play-out” me vendin e shtatë të Superligës për një vend në elitë edicionin e ardhshëm.
Regjistrohuni për t'u informuar për lajmet më të fundit nga Federata e Basketbollit të Kosovës!
Copyright © Përkrahur me nga Global CT
