Dardanët përballë kuqezinjve

Sonte zhvillohet ndeshja e parë zyrtare ndërmjet Kosovës dhe Shqipërisë në basketboll. Pas shumë sfidave miqësore përballja zyrtare zhvillohet nga ora 18:00 në Shkodër dhe transmetohet në ArtMotion.

Ndeshja është e vlefshme në kuadër të parakualifimeve për FIBA EuroBasket 2029, ku në këtë grup bën pjesë edhe Sllovakia.

Për Dardanët kjo është ndeshja e parë e misionit të kualifikimit, derisa ditë më parë, Sllovakia fitoi ndaj Shqipërisë 73:63. Vendi i parë dhe vendi i dytë më i mirë nga tri grupet kualifikohet tutje.

Kosova për pesë ditë me radhë ka stërvitur në Prizren, derisa të shtunën ka zhvilluar seancën e parë në Shkodër.

Basketbollistët e Kosovës janë të motivuar për të nisur kampanjën kualifikuese me fitore.

‍