Të enjten dhe të premten zhvillohet xhiroja e 12-të në Ligën e Parë në konkurrencën e meshkujve.

Sfida më interesante e kësaj xhiro është mes Prishtina e Re dhe Istogut. Të dy skuadrat kanë nga shtatë fitore dhe katër humbje dhe pritet një sfidë shumë interesante, pasi kanë synime që të përfundojnë në pozitë e dytë për të luajtur në “Play-out”, me vendin e shtatë të Art Motion Superligës, për një vend në elitën e basketbollit.

Vëllaznimi, që ka shënuar 11 fitore në 11 ndeshje, duke qenë lider i Ligës së Parë do të përballet me Happy Dukagjinin, apo ish-Dardanët, që kanë katër fitore e shtatë humbje.

Ndërkohë, Feronikeli, që nuk di për fitore në këtë rang garash, me 11 humbje në 11 ndeshje të zhvilluara, do të ndeshet me AS Prishtinën, ku prishtinasit kanë pesë fitore e gjashtë humbje.

Marigona Hill Prishtina do të përballet me New Basket. Prishtinasit kanë tri fitore e tetë humbje, ndërsa prizrenasit katër fitore e shtatë humbje.

Takimi i fundit për këtë xhiro është mes Boreas dhe Vushtrrisë. Pejanët kanë gjashtë fitore e pesë humbje, ndërsa që vushtrriasit kanë shtatë fitore e katër humbje, ku pritet një përballje shumë interesante dhe rivalizuese.

Liga e Parë - Java 12

E enjte

17:30 Prishtina e RE - Istogu

E premte

18:00 Feronikeli - AS Prishtina

18:00 Happy Dukagjini - Vëllaznimi

18:00 Marigona Hill Prishtina - NEË Basket

19:00 Borea - Vushtrria