Sfida prizrenase në Kupë

Dy skuadrat e qytetit të Prizrenit, Prizreni 16 dhe Bashkimi do të përballen në sfidën e fundit çerekfinale të Final 8 Kupës së Kosovës Agim Lluka.

Të dy skuadrat shpresojnë në fitore dhe të kualifikohen në gjysmëfinale, pasi favoritë nuk ka në përballje të tilla.

Në elitën e basketbollit, Prizreni 16 ka 11 fitore e gjashtë humbje, ndërsa Bashkimi ka tetë fitore e 11 humbje.

Këtë edicion janë ndeshur dy herë dhe në dy takimet, fitore shënoi Prizreni 16, me rezultat 71:65 dhe 90:92. Takimet mes këtyre dy skuadrave kanë qenë gjithmonë interesante dhe kështu pritet edhe sonte.

Ndeshja zhvillohet nga ora 20:00 në palestrën ‘Karagaci’, aty ku po zhvillohen të gjitha ndeshjet e Final 8.

Sfida transmetohet në Kujtesa dhe Art Motion.  

‍