Vëllaznimi vazhdon me fitore në Ligën e Parë

Vëllaznimi ka regjistruar fitoren e 16-të në po aq ndeshje të zhvilluara, duke qenë skuadra e vetme pa humbje në këtë rang garash dhe favorit kryesor për tu rikthyer në elitë. Kuqezinjtë kanë mundur Vushtrrinë me shifrat 52:63, ndërsa vushtrriasit kanë dhjetë fitore e gjashtë humbje.

Ndeshja ndërmjet AS Prishtinës dhe New Basket, përfundoi me fitoren e skuadrës prizrenase me rezultat 88:119. Prishtinasit kanë pesë fitore e 11 humbje, ndërkohë që prizrenasit kanë dhjetë fitore e gjashtë humbje.

Borea ka mundur Marigona Hill Prishtinën me shifrat 86:71. Pejanët kanë tetë fitore e tetë humbje, kurse prishtinasit katër fitore e 12 humbje.

Prishtina e Re ka shënuar fitore të pritur ndaj Happy Dukagjinin me shifrat 108:88. Prishtinasit kanë dhjetë fitore e gjashtë humbje, ndërsa klinasit kanë gjashtë fitore e dhjetë humbje.

Fitore të pritur dhe bindëse ka shënuar Istogu, duke mundur Feronikelin me rezultat 59:112. Istogasit kanë dhjetë fitore e gjashtë humbje, kurse skuadra nga Drenasi ka një fitore dhe 15 humbje. 

‍