Nesër (e hënë) do të zhvillohet finalja e dytë e “Play-off”-it në Ligën e Parë të Meshkujve, ku do të përballen Prishtina e Re dhe Vëllaznimi.
Ndeshja zhvillohet nga ora 18:00 në kryeqytet dhe transmetohet në Kujtesa dhe Art Motion.
Takimin e parë e fituan kuqezinjtë me rezultat 89:72, dhe nëse e fitojnë edhe ndeshjen e dytë do të inkuadrohen direkt në Superligë, kurse prishtinasit duan fitoren, në mënyrë që të zhvillohet edhe sfida e tretë, ku do të vendoste përfundimisht për kampionin e Ligës së Parë.
Kampioni siguron Superligën, ndërsa finalisti do të luajë me vendin e shtatë të Superligës në “Play-out”, për një vend në elitë edicionin e ardhshëm.
Skuadra nga Gjakova nuk ka pësuar asnjë humbje në Ligën e Parë dhe synon të përfundojë kampionatin pa asnjë humbje dhe rikthimin në elitë.
Regjistrohuni për t'u informuar për lajmet më të fundit nga Federata e Basketbollit të Kosovës!
Copyright © Përkrahur me nga Global CT
