Andorra është shpallur kampione e FIBA Kampionatit Evropian, Divizioni C, që u zhvillua në Prizren për meshkuj U16.

Andorrasit në finale kanë mundur Armeninë me rezultat 84:65. Sfida në fakt për 30 minuta ka qenë e barabartë, por në dhjetë minutat e fundit andorrasit u shkëputën dhe triumfuan me meritë. Andorra në këtë turne shënoi pesë fitore nga pesë ndeshje të zhvilluara dhe me meritë triumfuan në këtë Evropian.

Në top 5 të këtij Evropiani kanë hyrë: Gregori Mogojan i Armenisë, Gregori Gazarian nga Armenia, Viktoria Hido i Shqipërisë, Andrei Viotenka i Moldavisë dhe Joan Aguilar i Andorrës, çmime që janë ndarë nga Kryetari i KK Prizrenit, Shaqir Totaj. Ndërkohë, çmimi MVP i ka takuar Gregori Mogojan të Armrnisë, që e ka ndarë Sekretarja e Përgjithshme e Federatës së Basketbollit të Kosovës, Elvira Dushku.

Medaljet e bronzta dhe të argjendta i kanë ndarë Teuta Abdullahu dhe Rrahman Përteshi, anëtarë të Bordit të FBK-së, kurse medaljet e arta i kanë ndarë Shemsije Stublla Tolaj, anëtare e Bordit të FBK-së dhe Artan Kurti, nënkryetar i FBK-së.

Në fund Kupën kapitenit të Andorrës, ia ka dorëzuar Sergio Borroni, Komisoner i FIBA-s.

Vendi i tretë i ka takuar Shqipërisë, që mundi Kosovën me shifrat 53:68, duke fituar medaljen e bronztë. Ndërkohë, Moldavia zuri vendin e pestë, pasi shënoi fitore kundër Maltës me rezultat 67:61, kurse vendi i shtatë i takoi San Marinos, që fitoi ndaj Gjibraltarit me rezultat 54:29.

Këtu përfundoi edhe Evropiani në Prizren, i organizuar në mënyrë të jashtëzakonshme nga FBK-ja, ku për gjashtë ditë janë zhvilluar 20 ndeshje dhe triumfuan andorrasit.