Bashkimi dhe Prishtina do të përballen në finalen e Kupës së Kosovës, që zhvillohet të dielën (nesër) nga ora 14:00 në Palestrën “Mizahir Isma”.
Prishtina kaloi në finale, duke mundur Penzën, kurse Bashkimi kishte ‘rrugë’ më të lehtë, duke eliminuar Trepçën.
Ky është një nga trofetë e rëndësishëm në basketbollin e Kosovës dhe sigurisht se të dy skuadrat do të bëjnë çmos për të triumfuar.
Si prizrenaset, ashtu edhe prishtinaset kanë ambicie të larta në këtë edicion, ndërsa dëshira e madhe për të shtuar këtë trofe në sirtar.
Rivaliteti është i madh mes dy skuadrave me traditë në basketbollin e Kosovës dhe përballjet interesante nuk kanë munguar sa herë janë ndeshur.
Bashkimi është fitues aktual i Kupës, ndërsa Prishtina ka fituar katër në gjashtë edicionet e fundit. Në përgjithësi skuadra prizrenase e ka fituar Kupën gjashtë herë, kurse skuadra prishtinase ka triumfuar 12 herë.
Finalja e së dielës pritet të jetë shumë interesant në Rahovec, ku janë zhvilluar të gjitha ndeshjet e Final 8.
Regjistrohuni për t'u informuar për lajmet më të fundit nga Federata e Basketbollit të Kosovës!
Copyright © Përkrahur me nga Global CT
.png)