Të shtunën dhe të dielën (më 29 dhe 30 prill) në Prishtinë do të mbahet Klinika e Basketbollit me trajnerin amerikan Nick Berlage.
Berlage është trajner individual në NBA me përvojë 10 vjeçare. Ka punuar me 12 lojtarë të NBA-s dhe 39 lojtarë të NCAA divizioni 1 në përmirësimin e teknikës së gjuajtjes.
Klinika organizohet nga Shoqata e Trajnerëve të Basketbollit të Kosovës (SHTBK) në bashkëpunim me Federatën e Basketbollit të Kosovës (FBK) dhe Komunën e Prishtinës.
Klinika do të mbahet nga ora 10:00 deri në ora 13:00 në Sallën e Sportit “ISP MARIGONA”.
Kjo Klinikë është vazhdimësi e SHTBK-së dhe FBK-së në edukimin e trajnerëve të basketbollit të Kosovës.
Pjesëmarrja në këtë klinikë është e obligueshme për të gjithë trajnerët dhe trajneret.
Po ashtu përcjellja e klinikës është falas.
Programi i Klinikës
E shtunë
10:00-13:00 Përmirësimi i gjuajtjes (shutit) në mënyrë algoritmike
E diel
10:00-13:00 Ushtrime për përmirësimin e gjuajtjes te lojtarët e rinj dhe atyre më të avancuar
Regjistrohuni për t'u informuar për lajmet më të fundit nga Federata e Basketbollit të Kosovës!
Copyright © Përkrahur me nga Global CT
.png)
