Një lajm i jashtëzakonshëm vjen nga Munihu. Kryetari i Federatës së Basketbollit të Kosovës, Arben Fetahu është zgjidhur anëtar i Bordit të FIBA Evropës.

Ky është një sukses i madh për Federatën e Basketbollit e Kosovës dhe Basketbollin e Kosovës.

Fetahu është zgjedhur me 39 vota në zgjedhjet që janë mbajtur sot në Asamblenë e Përgjithshme të FIBA Evropës.

Fetahu është i pari nga sporti i basketbollit nga rajon që zgjidhet anëtar i Bordit të FIBA Evropës. I pari i basketbollit të Kosovës është edhe anëtar i Komisionit Ligjor (FIBA Europe Legal Commission). Në asamblenë e Përgjithshme po merr pjesë edhe Sekretarja e Përgjithshme e FBK-së, Elvira Dushku. Dushku është anëtare në Komisionin e të Rinjve (FIBA Europe Youth Commission).

Fetahu dhe Dushku kanë marrë mirënjohje për punën që kanë bërë gjatë periudhës 2019-2023.

President i ri i FIBA Evropës është zgjedhur Jorge Garbajosa, duke fituar 35 vota nga 50, për të mundur kundër kandidatin e vetëm Jean-Pierre Siutat. Ish-basketbollisti i njohur pason Turgay Demirel, i cili ishte në këtë pozitë për dy mandate 2014-2019 dhe 2019-2023.

Po ashtu janë zgjidhur 23 anëtarë të Bordit të FIBA Evropës, prej shtatë të rinj, në mesin e tyre edhe Arben Fetahu nga Kosova.