Federata e Basketbollit e Kosovës ju prezanton logon e Evropianit të Divizionit C për meshkuj U16 në Prishtinë.
I inspiruar nga flamuri dhe yjet e Kosovës, logo është punuar nga FIBA për Evropianin e Divizionit C, që do të zhvillohet në kryeqytetin e Kosovës.
Rrathët që janë majtas dhe djathtas dhe në mes, janë pjesë e simbolit të qytetit të Prishtinës ose Hyjneshës në fron. Në këtë mënyrë ka elementë të vendit, qytetit dhe basketbollit brenda logos.
Nga 19 deri më 27 korriku, dhjetë shtete do të garojnë për trofeun e çmuar.
Kjo është edhe një ngjarje madhore që do të organizohet nga FBK. Vitin e kaluar ishte organizuar Evropiani i U16, por në qytetin e Prizrenit. Më herët ishte organizuar Challenger në kryeqytetin e Kosovës.
Më herët është organizuar Evropiani i Divizionit B për femra U20, kurse për herë të parë ishte organizuar Divizioni C për meshkuj 18.
Regjistrohuni për t'u informuar për lajmet më të fundit nga Federata e Basketbollit të Kosovës!
Copyright © Përkrahur me nga Global CT
.png)
