03/08/2023 FBK

Kosova-Danimarka, bileta e fundit drejt kualifikimeve për Eurobasket 2025

Ka mbetur vetëm një vend në kualifikimet e FIBA ​​EuroBasket 2025, pasi Bullgaria dhe Sllovakia siguruan biletat e tyre të mërkurën.

Bileta finale do të vendoset të shtunën në Prizren, pasi Kosova pret Danimarkën në Grupin H.

Të kryesuar nga ylli i tyre Iffe Lundberg, danezët kanë fituar të tria ndeshjet e tyre, duke përfshirë edhe ndeshjen kundër Kosovës, në shtëpi në Danimarkë, 82-75, shkruan faqja e FIBA-s.

Danezët kanë tri fitore, ndërsa Kosova dy fitore e një humbje, me Zvicrën që është eliminuar, pasi ka humbur katër ndeshjet.

Tashmë Dardanët duhet të përmbysin danezët në shtëpi. 32 kombëtare do të marrin pjesë në kualifikime dhe 24 vazhdojnë garat në Evropian. Eurobasket 2025 do të mbahet në Letoni, Qipro, Finlandë dhe Poloni.

Kualifikimi

Danimarka do të kualifikohej me një fitore ose një humbje 6 pikë më pak;

Kosova do të kualifikohej me një fitore prej 7 pikësh e më shumë.

Lista e shteteve në kualifikueset e FIBA ​​EuroBasket 2025: Belgjika, Bosnja dhe Hercegovina, Bullgaria, Kroacia, Qipro, Republika Çeke, Estonia, Finlanda, Franca, Gjeorgjia, Gjermania, Britania e Madhe, Greqia, Hungaria, Islanda, Izraeli, Italia, Letonia, Lituania, Mali i Zi, Holanda, Maqedonia e Veriut, Polonia, Portugalia, Serbia, Sllovakia, Sllovenia, Spanja, Suedia, Turqia dhe Ukraina.




Lexo dhe:

Supported by:
General Sponsor:
Golden Sponsors:
Silver Sponsors:
Automotive Sponsor of Kosovo Basketball Federation:
Youth Basketball supporters:
Supported by:
General Sponsor:
Golden Sponsors:
Silver Sponsors:
Automotive Sponsor of Kosovo Basketball Federation:
Youth Basketball supporters: