Në bazë të nenit 23 të Statutit të Federatës së Basketbollit të Kosovës, Bordi i Federatës së Basketbollit të Kosovës shpall:

      KONKURS

për organizimin e Superkupës së Kosovës për Meshkuj për edicionin 2023 që zhvillohet në datat 13 – 17 Shtator 2023.

Të drejtë konkurrimi kanë të gjithë personat juridik që përmbushin kushtet e këtij konkursi dhe dispozitat e parapara në Udhëzuesin për Organizim të Superkupës së Kosovës – Meshkuj.

Për të konkurruar për organizimin e Superkupës së Kosovës - Meshkuj, kandidatët duhet përmbushur këto kushte:

• të mos ketë obligime të pakryera ndaj FBK-së;
• të sigurojë kushte për zhvillimin e ndeshjeve sipas rregullave të lojës së FIBA-s, Propozicioneve dhe Rregullores së Garave të FBK-së, si dhe akteve tjera normative të FBK-së;
• të sigurojë medaljet, kupat dhe trofetë për fituesit dhe finalistët e Kupës në të dyja konkurrencat, dizajnin e të cilave e përzgjedh FBK;
• të mbulojë shpenzimet për personat zyrtarë për të gjitha ndeshjet e Superkupës;
• ti përmbahet në përpikëri dispozitave të Udhëzuesit për Organizim të Superkupës Kosovës për marketing në palestër dhe në transmetime televizive;
• të sigurojë prezencë të mjaftueshme të forcave policore dhe pjesëtarëve të sigurimit privat në të gjitha ndeshjet e Superkupës;
• ti përmbahet dispozitave tjera të Udhëzuesit për Organizim të Kupës Superkupës për organizim të turneut;
• të nënshkruaj kontratë me FBK-në, ku do të specifikohen detajet e organizimit si dhe obligimet e të drejtat e palëve.

Në rast të përmbushjes së të gjitha kritereve nga dy ose më shumë aplikantë, kriteri financiar është prevalent (kryerja e obligimeve ndaj FBK-së).

Konkursi mbetet i hapur deri më datë 06.09.2023, në ora 17:00.

Aplikimet për organizimin e Superkupës së Kosovës për Meshkuj 2023 të dorëzohen në email adresën: office@basketbolli.com