.webp)
Trepça ka triumfuar në udhëtim ndaj United Basketball me rezultat 50:105 (17:25,10:20,8:29,15:31).
United Basketball e nisi me mirë se Trepça por që nuk e mbajti të njëjtin ritëm gjatë andaj çereku i parë përfundoi 17:25 për vajzat nga Mitrovica. Kurse në 10 minutat e çerekut të dytë, vajzat e United Basketball shënuan 10 pikë ndërsa pranuan 20.
Epërsia më e madhe filloi në pjesën e tretë të ndeshjes ku Trepça shënoi 29 pikë kurse në anën tjetër United Basketball vetëm 8 pikë. Në pjesën e fundit të kësaj ndeshje vashat e drejtuara nga trajneri Demi u munduan për rikthim por që nuk mjaftoi duke u mposhtur me rezultat të thellë 50:105.
Tek skuadra fituese më të mirat ishin, Mar'shay Moore me 50 pikë, 6 kërcime dhe 9 asistime ndërsa Jessica Wilson shtoi 27 pikë, 6 kërcime dhe 4 asistime.
Më e dalluara tek United Basketball ishte Etna Rexhepi me 16 pikë e 11 kërcime.
Për Trepçën kjo ishte fitorja e parë këtë edicion kurse United Basketball nuk ka arritur ende asnjë fitore.
Regjistrohuni për t'u informuar për lajmet më të fundit nga Federata e Basketbollit të Kosovës!
Copyright © Përkrahur me nga Global CT
