Liga JR NBA Kosova ka vazhduar këtë mesjavë, ku janë zhvilluar garat në Vushtrri dhe Mitrovicë.
Në Vushtrri është zhvilluar takimi mes SHMU2 (San Antonio Spurs) dhe Shaban Jasharit (Memphis Grizzlies), ku fitoi SHMU2 me shifrat 38:14.
Më pas, në Shkollën “Migjeni” në Mitrovicë është zhvilluar ndeshja mes Migjenit (Dallas Mevericks) dhe Avdullah Shabanit (Houston Rockets), që përfundoi 18:43.
Këto takime u zhvilluan në kuadër të xhiros së tretë të Divizionit Jugperëndimor apo Konferencës Lindore.
JR NBA Kosova vazhdon të enjten në Ferizaj, si dhe në Prizren të premten.
Kjo Ligë organizohet nga Federata e Basketbollit e Kosovës (FBK) në bashkëpunim me Federatën e Sportit Shkollor. Ky është edicioni i dytë i kësaj gare.
30 Shkolla Fillore të gjeneratës 11-13 vjeç janë ndarë në dy Konferenca, apo gjashtë Divizione. Tetë më të mirat e Konferencës kualifikohen në “Play-off” dhe më pas zhvillohet “Final Four”, ku shpallet skuadra kampione.
Copyright © Përkrahur me nga Global CT
