Bashkimi ka shënuar fitore bindëse në shtëpi ndaj Penzes me rezultat 87:55 (17:16,32:10,26:9,12:20).
Në çerekun e parë u pa lojë shumë e barabartë, dy skuadrat treguan fuqitë e tyre që mund të bëjnë lojë të mirë. Ky çerek u mbyll me epërsi minimale për Bashkimin 17:16.
E lojë krejt ndryshe u pa në çerekun e dytë, Bashkimi pati seri super fantastike ku shënoi 32 pikë kurse Penza shënoi vetëm 10 për 10 minutat e çerekut të dytë.
Njëjtë vazhdoi edhe periudha e tretë Bashkimi po shënonte vazhdimisht kurse mundësitë e Penzes ishin minimale, në fund të kësaj periudhe Bashkimi i shtoi edhe 26 pikë kurse Penza vetëm 9.
Në pjesën e fundit Penza e filloi më mirë por kjo ishte krejt e pa mjaftueshme për ta shkrirë epërsinë që Bashkimi e vendosi në çerekun e dytë dhe të tretë.
Dyshja më e mirë tek Bashkimi ishin, Sarah Mgbeike me 34 pikë, 12 kërcime dhe 1 asistime e cila u ndihmua nga Arbnore Përçuku me 15 pikë, 3 kërcime dhe 12 asistime.
Kurse tek skuadra e Penzes më e dalluara ishte Erjona Krasniqi me 14 pikë, 9 kërcime dhe 3 asistime.
Regjistrohuni për t'u informuar për lajmet më të fundit nga Federata e Basketbollit të Kosovës!
Copyright © Përkrahur me nga Global CT
.jpg)
