Presidentja e Republikës së Kosovës, Vjosa Osmani, në një ceremoni zyrtare ka dekoruar me Medalje Presidenciale të Meritave legjendat e basketbollit të Kosovës, z.Mithat Belegu, znj.Resmije Juniku dhe z.Masar Nixha.
Belegu, Juniku dhe Nixha janë legjenda të basketbollit të Kosovës, ku kanë kontribuar me dekada të tëra në sportin tonë të dashur.
Ata kanë merita të mëdha në sukseset e basketbollit të Kosovës dhe pandërprerë kanë ndihmuar e kontribuar në basketboll, duke mos u larguar asnjëherë nga ky sport, shumë i dashur dhe i çmuar për ne.
Për këtë arsye, Presidentja e Kosovës ka ndarë Medalje në shenjë kontributi për ndihmën e dhënë në basketbollin, por edhe sportin e Kosovës.
Në ceremoninë zyrtare të zhvilluar sonte mbrëma, kanë marrë pjesë edhe Kryetari i FBK-së, Arben Fetahu, Nënkryetarja e FBK-së, Linda Shala, Sekretarja e Përgjithshme e FBK-së, Elvira Dushku dhe Drejtori Teknik në FBK, Arben Krasniqi.
Gjithashtu kishte shumë personalitete nga vendi në këtë event shumë të rëndësishëm të organizuar nga Presidentja e Republikës së Kosovës për fundvit.
Regjistrohuni për t'u informuar për lajmet më të fundit nga Federata e Basketbollit të Kosovës!
Copyright © Përkrahur me nga Global CT
.jpg)
