Federata e Basketbollit e Kosovës (FBK) dhe Federata e Sportit Shkollor në Republikën e Kosovës (FSSHRK) kanë vazhduar me vizita në shkolla.
Vizitat po bëhen në kuadër të Programit të rëndësishëm “Sport në Shkolla”.
Në vizitë kanë qenë Edita Medunjanin, Menaxhere e Projekteve në FBK së bashku me Arbisa Shefkiun, koordinatore e programit nga FSSHRK.
Kësaj radhe është vizituar Shkolla Fillore e Mesme e Ultë “Fadil Hisari” në Prizren.
Në vizitë ju kanë bashkëngjitur basketbollistet e KBF Bashkimit dhe basketbollistët e Proton Cable Prizrenit.
Vizita ka kaluar në atmosferë pozitive, ku fëmijët kanë pasur të bëjnë pyetje për basketbollistet/ët dhe t’i njohin ato/a nga afër, si dhe të marrin nënshkrime.
Gjithashtu kanë shpërndarë materiale të reja për nxënësit.
"Sporti në Shkolla" është hartuar nga Ministria e Kulturës, Rinisë dhe Sportit në bashkëpunim me Ministrinë e Arsimit, Shkencës Teknologjisë dhe Inovacionit dhe Federatën e Sportit Shkollor të Kosovës.
Pjesë e këtij Projekti janë Federata e Sportit Shkollor të Kosovës, Federata e Basketbollit e Kosovës (FBK) me basketbollin 3x3 dhe Federata e Shahut të Kosovës.
Copyright © Përkrahur me nga Global CT
