Nga 7 deri më 9 Shtator 2024 në Qendrën Inovative në Prizren është mbajtur FIBA SCOD Klinika parasezonale për të gjithë gjyqtarët e FBK-së, pjesë e listë për aprovim për edicionin 2024-2025 dhe është udhëhequr nga Komesari i Garave, Faton Kurshumlija, FIBA Referee Instruktori Sinisa Herceg nga Kroacia.

FIBA SCOD Klinika parasezonale organizohet në bashkëpunim dhe me aprovim të FIBA Referee Departamentin, ku FBK është implementuese e suksesshme në kuadër të projektit FIBA SCOD Referee Projekteve.

Gjyqtarët pas prezantimeve të cilat kanë qenë në agjendë kanë përcjellur ndeshjet e zhvilluara në kuadër të Superkupës së Kosovës.

Pjesëmarrës në FIBA SCOD Klinikën ishin 47 gjyqtarë/e të të gjitha listave të dërguar nga Shoqata e Gjyqtarëve të Federatës së Basketbollit të Kosovës (SHGJFBK) për aprovim.

Ndërkohë, FIBA Fitnes Testi është organizuar të dielën më 8 Shtator 2024 dhe është mbajtur në shtegun e atletikës në Qendrën Inovative në Prizren ku është organizuar nga Faton Kurshumlija, Komesar i Garave dhe anëtarët e Bordit të SHGJFBK-së.

Temat e Prezantuara

FIBA Instruktori Faton Kurshumlija

- Njohja e gjyqtarëve me licencimin e vitit kalendarik FIBA GOL2025-2027

- Skautimi i ekipeve, trajnerëve, lojtarëve

- Prezantimi i PG për të gjitha garat seniore

- Pritjet dhe obligimet për edicionin 2024-2025

- Evaulimi i gjyqtarëve nga katër ndeshjet e ditës së parë (Superkupa)

- Ngritja profesionale

- Diskutim i hapur 

Instruktori i FIBA Gjyqtarëve Sinisa Herceg  

- Lojtari ne AOS

- Mekanika 3 PO- IOT

- Personalet dhe Gabimet në Sulm  

- FIBA Protokolli 1-2

- Kriteret për gabimet josportive

- Loja larg topit

- Ndryshimet e rregullave të basketbollit 2024

Gjyqtari i FBK-së Arian Thaçi 

- Ndryshimet e rregullave të basketbollit( edituar në gjuhën shqipe).

- Përdorimi i manualit për IRS