Në një ndeshje emocionuese dhe interesante, përfundoi derbi i qytetit mes Pejës dhe Penzës, ku skuadra e Pejës 03, ka shënuar fitore me rezultat të ngushtë 62:64 (17:14, 18:19, 11:14, 16:17).

Fituesi është vendosur në sekondat e fundit, ku vendimtare ishte Veronika Liubinets me dy pikët e fundit për 62:64.

Në çerekun e parë, Penza ishte më e mirë, duke fituar 17:14, ndërsa në periudhën e dytë, të dyja skuadrat ishin të barabarta, me Pejën që shënoi 18 dhe Penza 19 pikë, për t'u tërhequr në pushim me një diferencë të ngushtë, 35:33.

Edhe pjesa e dytë nisi e ekuilibruar, me Pejën që mbylli çerekun e tretë me tri pikë epërsi, 11:14. Në katër minutat e fundit, përplasja mes skuadrave u intensifikua, me secilën palë që e mori kontrollin për disa momente, por në fund, Peja 03 doli triumfuese, duke mbyllur ndeshjen me një fitore të vuajtur, 62:64.

Një nga lojtaret më të dalluara te Peja ishte Veronika Liubinetes, e cila shënoi 24 pikë dhe regjistroi 12 kërcime, dukë përfshirë edhe pikët vendimtare. Ndërkohë, te Penza, Nicole Terry ishte më e mira me 16 pikë, 15 kërcime dhe gjashtë asistime.

Pas pesë xhirove, të dyja skuadrat kanë nga tri fitore dhe dy humbje, duke vazhduar garën për pozita të larta në Superligën Femra.