VËLLAZNIMI SHËNON FITOREN E PARË NË PRINCE CAFFE SUPERLIGË

Vëllaznimi ka shënuar fitoren e parë në Prince Caffe Superligë, duke mundur Bashkimin në udhëtim me rezultat 72:76 (18:17, 24:23, 17:18, 13:18), në kuadër të xhiros së tretë.

Takimi në Prizren ka qenë shumë interesant dhe nga fillimi u zhvillua përballje e barabartë.

Se ndeshja do të ishte e barbabartë, kjo u pa në fillim të ndeshjes, ku çereku i parë ishte tërësisht i barabartë dhe përfundon 18:17 në të mirë të vendasve. Edhe në periudhën u zhvillua një lojë e baraspeshuar, me të dy skuadrat që nuk arrinin të shkëputeshin në rezultat dhe vendasit sërish fitojnë për një pikë, 24:23, duke shkuar në pushim me rezultat 42:40.

Skuadrat ishin të niveluara edhe gjatë periodës së tretë që përfundon 17:18 për skuadrën kuqezi, kurse rezultati në semafor pas 30 minutash tregonte shifrat 59:58. 10 minutat ishte vendimtare. Skuadra mysafire nuk dorëzohet dhe në minutën e fundit arrin të kalojë në epërsi 72:73, derisa vendasit gabojnë në 2-3 aksione në fundin e ndeshjes, ndërsa Vëllaznimi triumfon me rezultat 72:76.

Te Bashkimi u dalluan Sean Hoehn me 19 pikë dhe Shaq Qarter me 15, ndërsa te Vëllaznimi më të mirët në parket ishin Cedric Council me 20 pikë e 13 kërcime, Christopher Hortman me 19 pikë e 9 kërcime, Devante Jackson me 14 pikë e 8 kërcime dhe kapiteni Driton Rraci me 11 pikë e 7 kërcime.

Kjo ishte fitorja e parë për Vëllaznimin pas dy humbjeve, kurse Bashkimi ka një fitore dhe dy humbje.

‍