Të enjten fotografimi në Kaçanik, Viti, Ferizaj dhe Gjilan

Federata e Basketbollit e Kosovës ka nënshkruar marrëveshje me Synergy, që do të fillojë me transmetime nga fillimi i edicionit të ardhshëm.

Andaj është e obliguar që të fotografohen të gjithë lojtarët dhe lojtaret, seniorët dhe grupmoshat e reja. Kjo vlen për licencimin e tyre për edicionin e ardhshëm. Kush nuk licencohet, nuk ka të drejtë të luajë në edicionin e ri.

Federata e Basketbollit e Kosovës do të dërgojë dy persona në qytetet e Kosovës, kurse lojtarët/et e kanë të obliguar të veshin fanella të bardha.

Fotografimi do të bëhet në qendrat e mëdha të Kosovës dhe është i obliguar për secilin lojtar/e.

Të enjten do të bëhet fotografimi në Kaçanik, Viti, Ferizaj dhe Gjilan në palestrat e këtyre qyteteve, derisa në ditët në vazhdim do të vazhdohet me qytetet tjera.

E enjte

Kaçanik 13:00-13:30

Viti 14:30-15:00

Ferizaj 15:30-16:00

Gjilan 17:00-18:00

Personat kontaktues nga FBK-ja:

Dren Hasangjekaj, Zyrtar i Marketingut 044 224488

Bahri Rexha, Zyrtar për Media 044 739 340

‍