Hana shpreson të realizojë ëndrrën që nuk mundi ta shijojë nëna e saj

Kosova A te femrat për herë të parë do të garojë në Kampionatin Evropian për Shtete të Vogla. Vashat dardane do të debutojnë në Qipro.

Shumë gjenerata e kishin ëndërruar, por nuk mund të luanin, pasi Kosova nuk ishte e pranuar në arenën ndërkombëtare.

Njëra ndër basketbollistet e dalluara ishte Teuta Abdullahu. Ish-basketbollistja e Universitetit të Prishtinës fitoi shumë trofe në Kosovë, por nuk arriti të veshë fanellën e Kosovës.

Por, ëndrrën e saj mund t’ia plotësojë vajza e saj, Hana. Ajo është vetëm 7 vjeçare dhe luan basketboll. “Më pëlqen basketbolli dhe shpresoj që një ditë të luaj për Kosovën A”, shprehet vogëlushja 7 vjeçare.

Anëtarja e Bordit të FBK-së është e lumtur që vashat e Kosovës A do të debutojnë në arenën ndërkombëtare, derisa ju bënë thirrje të gjitha vajzave që të merren me basketboll dhe të mos ndahen asnjëherë nga ky sport. 

‍