Ditë më parë Ministria e Shëndetësisë ka bërë të ditur se ka filluar vaksinimi për personat mbi 18 vjeç kundër COVID-19, andaj Federata e Basketbollit e Kosovës (FBK) inkurajon të gjithë akterët e përfshirë në basketboll: klubet, basketbollistët/et, trajnerët, gjyqtarët, delegatët, etj që të vaksinohen.
Federata e Basketbollit e Kosovës në veçanti iu bën apel klubeve të saj që në mënyrë të organizuar, në komunat prej nga vijnë të organizohen për ti vaksinuar anëtarët e tyre.
Federata e Basketbollit e Kosovës edicionin 2020/21 e ka përmbyllur pa telashe të mëdha sa i përket rasteve të paraqitura me COVID-19 dhe për këtë arsye bën apel tek klubet e saj që para fillimit të edicionit të kryejnë vaksinimin e anëtarëve të saj në mënyrë që të kemi mbarëvajtje sa më të mirë të garave me pandeminë e pranishme në të gjithë botën.
Vaksinimi i anëtarëve të klubeve, por edhe i gjithë popullsisë së Kosovës do të shkonte në favor të basketbollit, pasi në këtë mënyrë do të mundësohej edhe kthimi i shikuesve nëpër palestra, për të cilët edhe luhet sporti, në këtë rast basketbolli.
Regjistrohuni për t'u informuar për lajmet më të fundit nga Federata e Basketbollit të Kosovës!
Copyright © Përkrahur me nga Global CT
