Statistikat e përgjithshme të Kosovës

Kosova triumfoi në FIBA European Challenger për U18 te meshkujt që u zhvillua në Tiranë. Basketbollistët e Kosovës me meritë triumfuan në këtë garë, ku në katër ndeshje shënuan katër fitore. Në finale triumfuan ndaj Luksemburgut me shifrat 84:58.

Në gjysmëfinale shënuan fitore ndaj Andorrës 80:71, kurse në grup ndaj Shqipërisë 85:62 dhe Moldavisë 108:45. Dardanët e rinj ishin më të mirë në të gjitha ndeshjet dhe triumfuan me meritë, derisa meritë të jashtëzakonshme kanë stafi teknik dhe basketbollistët.

Sa i përket efikasitetit, te Kosova, Anes Gashi ishte në vendin e parë me 20.3, i ndjekur nga Hajriz Hazeri me 15.5 dhe Visar Ejupi me 15. Shënuesi më i mirë ishte Visar Ejupi me 17.3 pikë për ndeshje, pasuar nga Anes Gashi me 13.5 dhe Rinol Gashi me 10. Te kërcimet më i miri ishte Hajriz Hazeri me 7.5 kërcime për ndeshje, Anes Gashi me gjashtë dhe Dion Sheqiri me 5.8. Ndërkohë, te asistimet Hajriz Hazeri ishte i pari me 4.8 për ndeshje, Anes Gashi me 3.5 dhe Dion Sheqiri me 3.3.

Mosha mesatare në ekipin e Kosovës U18 është 17.4 vjeç, kurse gjatësia mesatare është 195 cm.

‍