Sonte zhvillohen ndeshjet e fundit në Grupin F të European Challenger U16 për meshkuj në Prishtinë.
Sfida kryesore do të zhvillohet ndërmjet Kosovës dhe Luksemburgut, dy kombëtare që kanë shënuar katër fitore në katër ndeshje të zhvilluara. Kush e fiton këtë përballje do të shpallet kampione e kësaj gare, që filloi nga 16 Gushti në kryeqytetin e Kosovës.
Dardanët kanë mundur Maltën 117:20, Moldavinë 122:42, Gjibraltarin 98:19 dhe Shqipërinë 103:46. Ndërkohë, Luksemburgu ka mundur Moldavinë 77:65, Shqipërinë 73:53, Maltën 75:36 dhe Gjibraltarin 88:41.
Nga ora 14:00 përballen Gjibraltari-Moldavia dhe nga ora 17:00 Shqipëria-Malta.
Pas ndeshjes Kosova-Luksemburgu, do të zhvillohet ceremonia përmbyllëse, ku do të shpallet kombëtarja kampione dhe MVP i turneut.
Të gjithë të pranishmit në palestër duhet të mbajnë maska dhe të respektojnë distancën sociale.
Ndeshjet transmetohen në faqen zyrtare të FBK-së në YouTube dhe ndeshja e Kosovës në Artmotion.
21 Gusht (e shtunë)
14:00 Gjibraltari-Moldavia
17:00 Shqipëria-Malta
20:00 Luksemburgu-Kosova
Regjistrohuni për t'u informuar për lajmet më të fundit nga Federata e Basketbollit të Kosovës!
Copyright © Përkrahur me nga Global CT
