Basketbollistët në Qendrën Nacionale të Basketbollit po stërviten dy herë në ditë. Ky projekt madhor i Federatës së Basketbollit të Kosovës (FBK) ka filluar javën e kaluar dhe do të vazhdojë deri në fund të këtij edicioni.

16 basketbollistë janë përzgjedhur nga e tërë Kosova, ku do të qëndrojnë së bashku dhe stërviten dy herë në javë për pesë ditë, kurse gjatë fundjavës do të bashkohen me klubet përkatëse të tyre.

Basketbollistët shihen si me potencial për të ardhmen dhe do të ndihmojnë Përfaqësueset e Kosovës, si dhe basketbollin e Kosovës.

Qendra Nacionale e Basketbollit udhëhiqet nga Drejtori Teknik në FBK, Arben Krasniqi, ish-trajner i mirënjohur e me trofe, nga Driton Obërtinca si koordinator dhe trajneri Valentin Spaqi.

Atmosfera tek lojtarët është shumë e mirë, ku po shoqërohen mes veti dhe po japin maksimumin në stërvitje, kurse do të kenë shumë ndeshje miqësore me klubet kosovare, por edhe me shtetet tjera për të fituar sa më shumë përvojë.

Më poshtë gjeni basketbollistët e grumbulluar në Qendrën Nacionale të Basketbollit, vitin e lindjes, gjatësinë, peshën dhe klubin.

Basketbollistët    Viti        Gjatësia Pesha    Klubi

Rigon Gjergjizi    2007      178.2     64.4        BASHKIMI

Rrezon Ahmetaj   2008      184.4     70.1      MARIGONA

Edin Baqevac      2007      187.1     76.8      MARIGONA

Lisjan Mula         2007      188        75        MARIGONA

Lis Sadiku            2007      189.3     80.2     MARIGONA

Yll Kastrati          2008      178.1     76.2     MARIGONA

Ervin Mullaliu     2007      182.0     55.4        RAHOVECI

Rrezon Elezaj      2007      202.2     77.2        ISTOGU

Rijad Ferati          2008      183.5     90.8        TREPÇA

Ben Basha            2007      184.2     79.4       M JUNIOR

Mal Tusuni          2007      188.2     74.7        M JUNIOR

Sejar Rama          2007      182.0     70.0     MARIGONA

Berkand Shaqiri   2007      184.8     66.7        DRITA

Brilant Sallauka   2007      198.5     104.3  SUHAREKË

Hannan Çorovic   2007      192.2     68.4        ISTOGU

Din Syla               2007      180        71.1        M JUNIOR