Istogu ka regjistruar fitoren e tretë në Ligën e Parë të Meshkujve, që ishte shumë e veçantë, pasi u bë në palestrën e qytetit, që ishte sfida e parë për Klubin e Basketbollit në palestrën e qytetit. Istogasit kanë mundur Prishtinën e Re me rezultat 70:67, ku shënuan tetë pikë në tre minutat e fundit, ndërsa prishtinasit nuk shënuan asnjë në tre minutat e fundit. Prishtinasit kanë dy fitore dhe një humbje.

Vëllaznimi ka regjistruar fitoren e tretë në tri ndeshje, duke qenë një nga skuadrat favorite për vendin e parë dhe për tu rikthyer në elitën e basketbollit. Skuadra kuqezi mundi Dardanët 95:58, në një ndeshje ku dominoi nga fillimi, kurse për Dardanët ishte humbja e tretë në tri përballje.

Ndeshja më interesante e xhiros ishte ndërmjet New Basket dhe Marigona Hill Prishtinës, ku koha e rregullt përfundoi 103:103, dhe pas tri vazhdimeve skuadra prishtinase fitoi 141:128, ku Hajriz Hazeri shënoi 40 pikë. Prizrenasit kanë dy fitore dhe një humbje, ndërsa prishtinasit tri humbje.

Humbjen e parë e pësoi Borea, që u mund nga Vushtrria 79:61. Tashmë të dy skuadrat kanë nga dy fitore dhe një humbje.

Fitore të thellë ka shënuar AS Prishtina ndaj Feronikelit 107:64, që ishte fitorja e parë për skuadrën prishtinase, ndërsa humbja e tretë për skuadrën drenase.

Liga e Parë – Java 3

AS Prishtina - Feronikeli          107:64

Istogu - Prishtina e Re               70:67

Vushtrria - Borea                       79:61

Vëllaznimi - Dardanët              95:58

NEW Basket - Marigona Hill Prishtina       141:128