Penza, sfidohet nga Vëllaznimi

Xhiroja e shtatë në Superligën e Femrave do të sjellë disa ndeshje interesante.

Bashkimi në këtë javë do të ballafaqohet me Kastriotin. Skuadra prizrenase shihet favorite në këtë përballje. Vashat e Bashkimit kanë tri fitore dhe dy humbje, ndërsa ato ferizajase kanë gjashtë humbje në gjashtë ndeshje, duke qenë skuadra e vetme në elitë pa fitore.

Kampionia e Kosovës, Penza do të sfidohet nga Vëllaznimi. Vashat pejane kanë pesë fitore dhe një humbje, ndërsa ato nga Gjakova kanë dy fitore dhe katër humbje.

Ndeshja e fundit e xhiros zhvillohet ndërmjet Trepçës dhe Prishtinës të dielën. Skuadra nga Mitrovica ka një fitore dhe katër humbje, ndërsa skuadra prishtinase ka gjashtë fitore në gjashtë ndeshje, duke qenë skuadra e vetme në elitë pa humbje.

Superliga e Femrave - Java 7

E premte

18:00 Bashkimi - Kastrioti

E shtunë

12:00 Vëllaznimi - Penza

E diel

14:00 Trepça – Prishtina

‍