Prishtina dhe Bashkimi në finalen e madhe

Prishtina dhe Bashkimi janë skuadrat e kualifikuara në finalen e Kupës së Kosovës në basketboll në konkurrencën e femrave.

Prishtina ka mundur në udhëtim Vëllaznimin 66:89 (20:24, 15:20, 14:19, 17:26).

Skuadra prishtinase fitoi të gjithë çerekët dhe u kualifikua në finale, që do të zhvillohet më 7 shkurt në Suharekë.

Te Vëllaznimu u dallua Sarah Mgbeike me 25 pikë dhe 24 kërcime, kurse te Prishtina, Enxhi Xhanaj me 20 pikë e 18 kërcime dhe Alexis Tolefree me 34 pikë.

Ndërkohë, ndeshje më interesante u zhvillua ndërmjet Bashkimit dhe Penzës, ku skuadra prizrenase fitoi 80:76 (22:12, 14:17, 23:15, 21:32). Vashat prizrenase fituan çerekun e parë 22:12, derisa në periudhën e dytë më të mira ishin ato mysafire 14:17. Vendaset sërish ishin më të mira në periodën e tretë 23:15. Lojë mjaft interesante u zhvillua në periudhën e fundit, ku Penza arrin të afrojë rezultatin në 72:71, megjithatë, Bashkimi ishte më i përqendruar në fund dhe triumfoi 80:76.

Te Bashkimi u dallua Lejzae Davidson me 36 pikë, kurse te Penza u dalluan Gabrielle Cooper me 21 pikë e 11 kërcime Ashlie Howwel me 17 pikë dhe 13 kërcime.

‍