Gjithçka që duhet të dini rreth Grupit B

Në Prishtinë do të zhvillohet Dritarja e Tretë e parakualifikimeve evropiane për Kupën e Botës 2023.

Ky ishte vendimi i Bordit të FIBA Evropës, duke i besuar edhe një ngjarje të rëndësishme shtëpisë së basketbollit të Kosovës.

Katër shtete do të zhvillojnë ndeshjet vendimtare se kush do të kualifikohet në rrethin e ardhshëm. Nga grupi do të kualifikohen dy vendet e para.

Islanda është në vendin e parë me tri fitore dhe një humbje, Kosova dhe Sllovakia nga dy fitore dhe dy humbje, kurse Luksemburgu një fitore dhe tri humbje.

Dardanët nëse shënojnë fitore në dy përballet e ardhshme, ndaj Luksemburgut dhe Sllovakisë, do të kualifikohen tutje.

Kosova e nisi kampanjën me dy fitore, përballë Islandës dhe Luksemburgut, por në nëntor pësoi dy humbje, nga Sllovakia dhe Islanda.

Kombëtaret kanë filluar të vendosen në Prishtinë dhe deri më 20 shkurt do të përcaktohet se kush do të kualifikohet në rrethin e ardhshëm.

Të gjitha ndeshjet do të transmetohen në Kujtesa, kurse ndeshjet e Kosovës edhe në T7.   

Grupi B

Rezultatet dhe orari

Sllovakia-Luksemburgu   73:65

Kosova-Islanda                80:78

Luksemburgu-Kosova             80:84

Islanda-Sllovakia                    83:74

Islanda-Luksemburgu             90:76

Sllovakia-Kosova                    91:67

Islanda-Kosova                86:62

Luksemburgu-Sllovakia   77:73

18 Shkurt

16:00 Sllovakia-Islanda

19:00 Kosova-Luksemburgu

20 Shkurt

16:00 Luksemburgu-Islanda

19:00 Kosova-Sllovakia

‍