Drejtori i Përfaqësueseve të Kosovës, Granit Rugova e ka pritur basketbollisten e talentuar, Astera Tuhinën.
Tuhina së fundi ka fituar bursë nga Komiteti Olimpik i Kosovës si Shpresë Olimpike dhe shihet si një lojtare me të ardhme të ndritur.
Astera gjithashtu është pjesë e Kosovës U18 dhe pritet të jetë edhe e Përfaqësueses A, që këtë verë do të garojë për herë të parë në Kampionatin Evropian për Shtete të Vogla, në Qipro.
Rugova i ka uruar sukses 16-vjeçares, e cila është pjesë e skuadrës spanjolle Deportivo Prometes.
Astera është një shembull edhe për vajzat e reja, që duan të merren me basketboll. Rugova ka lavdëruar përkushtimin dhe profesionalizmin e saj, duke i uruar shumë suksese në të ardhmen.
Copyright © Përkrahur me nga Global CT
